ద్వారక

ద్వారక భారతదేశమునకు పశ్చిమంగా గుజరాత్ రాష్ట్రంలో సౌరాష్ట్ర ద్వీపకల్పమునందు అరేబియాసముద్రం ఒడ్డునఉన్న నగరం. మహా విష్ణువు అవతారమైన శ్రీకృష్ణుడు సుమారు అయిదువేల  సంవత్సరాలకు పూర్వం తానుజన్మించిన మధురనుండి ద్వారకకు తరలి వెళ్లాడని, ద్వారక రాజధానిగా రాజ్యపాలన చేశాడని భాగవత పురాణంలో తెలుపబడింది. శ్రీకృష్ణుడు గోమతీ నదిఒడ్డున ద్వారక నగరాన్ని స్థాపించాడు. కృష్ణుడి మరణానంతరం, గాంధారి శాపంవలన యాదవవంశం మొత్తం  పతనమయ్యింది. అటుపిమ్మట వరదలు వలన చివరికి శ్రీకృష్ణుని ద్వారకా నగరం అరేబియా సముద్రంలోమునిగి కలసిపోయింది. ద్వారకనందు ప్రస్తుతం నిలచిఉన్న ద్వారకాధీష్ ఆలయం నూటనలభై ఒక్క అడుగుల ఎత్తుతో ఏడు అంతస్తులతో నిర్మించబడి అరేబియాసముద్రం కంటే ఎత్తులో కనిపిస్తుంది. దీనిని జగత్ మందిర్ లేదా త్రిలోక్ సుందర్ అనికూడా పిలుస్తారు, ద్వారకనుండి 2 కి.మీ దూరంలో బెట్ ద్వారకనందు శ్రీకృష్ణుని భార్య రుక్మిణి ఆలయం ఉంది. ద్వారక శ్రీకృష్ణుని అధికారిక రాజధానిగా ఉన్నప్పుడు రాజ్యపాలన ద్వారకానుండి నిర్వహించుచూ బెట్ ద్వారక నందు నివసించేడివాడు. ద్వారక క్షేత్రం గురించి పూర్తి కధనం మరియు దర్శనీయ స్థలములు, ఆలయముల వివరములు సోమనాధ్ యాత్రనందు సవివరముగా ఫోటోలు మరియు వీడియోలతో తెలియాయచేసి యున్నాము.