పితృవర్గ గోత్రం & ప్రవర ఆవశ్యకత

అందువలన కనీసం తమవారు ఎవరు తమగోత్రం ఏమిటి అన్న వివరాలుకూడా చెప్పలేని స్థితిలో ఉన్నారు. ఇది ఆందోళన కలిగించే విషయం. శుభకార్యములైన ఉపనయనం, వివాహాది క్రతువులకేకాక అశుభకార్యములైన వైదికకర్మలు, శ్రాద్ధకర్మలు, పిండప్రధానం తదితర కార్యక్రమాలకు కూడా వంశములో మూడుతరముల వారి గోత్రనామములు, ప్రవర తదితరముల ఆవశ్యకత ఉంది. సాధారణంగా అధికభాగం తమ తాతలపేర్లు గోత్రం చెప్పలేని స్థితిలో ఉన్నారు. బ్రాహ్మణులలో చాలా మందికి తమ ప్రవర తెలియయదు అనడంలో ఆశ్చర్యం లేదు.

సాధారణంగా అందరూ తల్లితండ్రులు తమకు ఏమి సంపాదించి ఇచ్చారో లెక్కవేసుకోవడం గమనిస్తాము. అనంతకోటి జీవరాశులలో మానవజన్మ ఉత్కృష్టమైనది. గతజన్మలలో చేసిన పుణ్యకార్యములవల్ల మాత్రమే మానవజన్మ లభిస్తుంది అనడంలో ఏవిధమైన సందేహంలేదు. దైవం మానవునిగా మనకు జన్మనిచ్చించి ప్రత్యక్షదైవాలైన తల్లితండ్రులు పరోక్షముగా వారి పూర్వీకుల పుణ్యఫలమే కారణం. అందువలననే మాతృదేవోభవ, పితృదేవోభవ అని ప్రత్యక్ష దైవస్వరూపాలలో మొదటి రెండుస్థానములు తల్లితండ్రులకు పిమ్మట విధ్యనేర్పిన ఆచార్యుడు (గురువు), అతిధిని దైవములని చెప్పబడింది. జన్మనిచ్చిన తల్లిదండ్రులకు, జీవన విధానాన్ని బోధించిన గురువుకు వారి వృద్ధాప్యంలో సేవ చేయడం మరియు వారికి భౌతికంగా కనిపించని తరువాత కాలంలో మరణం నుండి పిండ ప్రధానం వరకు అన్ని కార్యక్రమాలు నిర్వహించి వారికి ముక్తి కలిగించడం వారికి ఇచ్చే నివాళి. అశౌచకర్మలైన వైదికకర్మలు, శ్రాద్ధకర్మలు, పిండప్రధానం తదితర కార్యక్రమాలకు వంశంలో గత మూడు తరముల గోత్ర నామములు (బ్రాహ్మణులలో ప్రవర) అవసరమని తెలియ చేసినాము. కావున మిత్రుల మరియు వీక్షకుల సౌలభ్యముకొరకు విషయసేకరణకు పట్టిక నిచ్చుచున్నాము. అవసరమైన సమయం కేటాయించి అందలి వివరములు తెలిసినవి పూర్తిచేసి తెలియనివి బంధువులను, కుటుంభపెద్దలను సంప్రదించి పూర్తిచేసిన వంశవృక్షముపైకల అవగాహన తెలుస్తుంది. సంతానముకు ఆస్తి పాస్తులు సమకూర్చక పోయినను ఈ సమాచారం చేర వేసిన వారుచేయు కర్మలవల్ల ప్రస్తుత తరం ముక్తి పొందుటకు అవకాశం ఉండగలదు. ముఖ్యంగా నగరాలు మరియు విదేశాలలో ఉద్యోగ రీత్యా నివసిస్తున్న వారు శ్రద్ధ వహించి, అవసరమైన సమాచారాన్ని సేకరిస్తారని ఆశిస్తున్నాం.

ప్రవర :  మూడు లేదా నలుగురు ఋషులతో కూడినది

పిండప్రధానం పితృదేవతలకు మోక్షప్రదం