ద్వారక

ద్వారక పూర్వపు సౌరాష్ట్ర మరియు ప్రస్తుత గుజరాత్ రాష్ట్రములో అరేబియాసముద్రపు ఒడ్డుననున్న ద్వీపకల్పము. ఈదేవభూమి ద్వారకాజిల్లానందు గౌతమీనదితీరము నందు గల పురాతన నగరము. ద్వారక పురాణములలో పేర్కొనిన ప్రకారము సుమారు నాలుగువేల సంవత్సరములకు పూర్వము రాజ్యపాలనచేసిన శ్రీకృష్ణుని పాలనలోని బంగారురాజ్యము. ద్వారక అనుపేరు సృష్టికి మూలమైన బ్రహ్మయొక్క ఆద్యాత్మిక ఐఖ్యతకు ముఖద్వారమువంటిది. ప్రతిసంవత్సము జన్మాష్టమినాడు శ్రీకృష్ణుని పుట్టినరోజు అత్యంతవైభవముగా జరిపెడి ద్వారకాదీష్ ఆలయమునకు స్వస్థలము. పురాతన గ్రంధములైన దివ్యప్రభంధములలో ప్రముఖముగా పేర్కొనబడి శ్రీమహావిష్ణువునకు అత్యంత ప్రీతికరమైన బదరీనాథ్, పూరీ,రామేశ్వరంలతోపాటు చార్ ధామ్ నందు నాలుగవపుణ్యక్షేత్రము. మరియు పన్నెండుమంది ఆళ్వారులు తమ దివ్య ప్రభంధమునందు కీర్తించిన మహావిష్ణువు 108 దివ్యదేశములందు ఒకటి. శ్రీకృష్ణుని రాజ్యమునకు ముఖ్య పట్టణముగా సుపరిచితమై మోక్షపురిగా భావించబడుచున్నది. గుజరాత్ రాస్త్రమునకు మొదటి ముఖ్యపట్టణము. 

తన మేనమామ కంసుని మధురనందు సంహరించిన పిమ్మట కృష్ణుడు ఇచ్చటనే నివసించినాడు, కృష్ణుడు మధురనుండి  వచ్చినపిమ్మట గుజరాత్ సంస్కృతికి సంతసించి సముద్రమునుండి దాదాపు 150 కిలోమీటర్ల భూమినందు ద్వారకానగర నిర్మాణము చేసినాడు. ఆర్యులు ద్వారక ముఖ్యపట్టణముగా రాజ్యపాలనచేసినారు. మగధరాజైన జరాసంధ వధపిమ్మట కృష్ణుడు ద్వారకనందు నివశించవలెనని నిర్ణయించుకొనినాడు. కృష్ణుడు తనతల్లితండ్రులతో సముద్రలో ద్వీపమునందుకల బెట్ ద్వారకనందు నివసించుచూ ద్వారకనుండి రాజ్యపాలన చేసినాడు.                                                                                                                            

ద్వారకలోని ద్వారకాదీష్ ఆలయము సుమారు నాలుగువేలసంవత్సరముల పూర్వము నిర్మించబడి మహమ్మదీయుల దాడినందు ద్వంసముకాబడినదని మరలా 16 వశతాబ్దములో పునర్నిర్మించబడినట్లు చరిత్రకధనము, 1861 సం.లో ద్వారకాదీష్ ఆలయంలయం పురుద్ధరించబడి బరోడామహారాజుచే ఆలయశిఖరమునకు బంగారుకలశము ఏర్పాటుచేయబడినది. ద్వారకను భారతదేశములోగల పన్నెండు సాంస్కృతి పరిరక్షణ కేంద్రములలోఒకటిగాప్రకటించి కేంద్రప్రభుత్వమువారి సాంస్కృతిక కేంద్రముల పరిరక్షణ పదకముయందు చేర్చుటజరిగినది. బెట్ ద్వారకకు పర్యాటకులను ఆకర్షించు నుద్దేశ్యముతో ద్వారకనందు జగత్ మందిరమునుండి ద్వీపమునందుకల పంచకుల్ కలుపుచూ శ్రీకృష్ణుని చిన్ననాటి మిత్రుడు సుధాముని పేరుతో సుధామసేతు అనువంతెన రిలయన్స్ ఇండస్ట్రీస్ మరియు గుజరాత్ పర్యాటకసంస్తవారితో కలిసినిర్మించినారు. గోమతీనదివద్ద పూర్వము నౌకాశ్రయము ఉండేదిది. ద్వారకకు దేశములోని ఇతరపట్టణములతో విమానమార్గము, రైలుమార్గము మరియు రోడ్డుమార్గము ద్వారా కలుపబడియున్నది. ద్వారకలో ద్వారకాదీష్ ఆలయం, రుక్మిణీదేవిఆలయం మరియు గోమతిఘాట్ చూడతగినవి. ఇచట లైట్ హౌస్ ప్రత్యేకఆకర్షణ.