ఛత్రవట నృసింహా

ఛత్రవవట నృసింహక్షేత్రము అహోబిలమునందున్న నవనృసింహాక్షేత్రములలో ఒకటి. చత్రవటనృసింహక్షేత్రము ప్రణవ నృసింహక్షేత్రమునకు వెళ్ళు మార్గములో యోగానందనృసింహక్షేత్రముకు అరకిలోమీటరు మరియు దిగువఅహోబిలం నుండి మూడు కిలోమీటర్ల దూరములోనున్నది. ఇచ్చటినుండి ప్రణవనృసింహక్షేత్రం సుమారు పది కిలోమీటర్ల దూరములోఉన్నది. నవనృసింహులలో ఛత్రవవటనృసింహుడు మనోహరముగా దర్శనము ఇచ్చును. ఈక్షేత్రమును దేవతల ఆరాధనక్షేత్రముగా కూడాపిలుస్తారు. హిరణ్యకశిపునివధ అనంతరము ఉగ్రరూపముతోఉన్న నృసింహస్వామిని శాంతపరచుటకు .హాహా. హూహూ అను ఇరువురుగంధర్వులు మేరు పర్వతమునుండి ఇచ్చటికివచ్చి నృసింహుని తమసంగీతముతో వినోదపరచినారు. అందువలననే స్వామి చిరునవ్వుతో ఎడమచేతితో తాళమువేయుచున్నట్లు దర్శనము ఇస్తాడు. ఇట్లు తాళమువేయుచున్న ముద్ర మరెచ్చటనూ కావరాదు. స్వామి వీరుఇరువురకు ఖ్యాతిలభించునట్లు వరము అనుగ్రహించినాడు.హాహా. హూహూ అను ఈయిరువురు గంధర్వుల ప్రతిమలు ఈఆలయమందు కలవు.