రామనాధ

ద్వాదశ జ్యోతిలింగాల వెనుక ఉన్న కథ

ద్వాదశ జ్యోతిర్లింగములలో ఏడవది రామనాధ జ్యోతిర్లింగం. కృత, త్రేతా మరియు ద్వాపరయుగములలో మానవజీవితంలో హిందూ మతము ప్రముఖపాత్ర పోషించినది. అదే నేటి కలి యుగములో కొనసాగుచున్నది. ఈయుగములన్నిటిలోనూ దైవము అనేక పర్యాయములు దుష్టులను శిక్షించి సన్మార్గులను రక్షించుటకు అనేక అవతారములు ఎత్తియున్నాడు. దానవుల బ్రహ్మను మెప్పించి వరములుపొంది మునులను, ప్రజలను హింసించినప్పుడు మహావిష్ణువు మరియు శివుడు మునులను మరియు భక్తులను రాక్షసుల భాధలనుండి రక్షించుటకు అనేక రూపములలో అవతారములు ఎత్తియున్నారు. భారతదేశమంతయు మహావిష్ణువు మరియు మహేశ్వరుడు అవతారములు దాల్చి రాక్షసులను నిర్ణించి మునులను, భక్తులను రక్షించిన ప్రదేశములు అన్నియు దివ్య క్షేత్రములుగా  వారురూపుదాల్చిన నామములతో భాసిల్లుచున్నవి. ఈ పవిత్రక్షేత్రములలో ద్వాదశజ్యోతిర్లింగముల నామములతో శివక్షేత్రములు ఉత్తరమున కేదారేశ్వర్ నుండి దక్షణమున రామేశ్వరంవరకు మరియు తూర్పున జార్ఖండ్ రాష్ట్రములోని వైధ్యానాధ్ నుండి పడమర గుణరాత్ లోని సోమనాధ్ వరకు వివిధరాష్ట్రములలో వ్యాపించి పూర్వకాలమునుండి భారతదేశమును రక్షించుచున్నవి. శివక్షేత్రములు 64 ఉన్ననూ అందు 12 మాత్రము ద్వాదశ జ్యోతిర్లింగములుగా ఖ్యాతిగాంచినవి.

శివపురాణము ప్రకారము బ్రహ్మ మరియు విష్ణువు సృష్టిలో ఎవరుగొప్పవారు ఆన్నవిషయమై వాదులాటపడినారు. శివుడు మూడులోకములను కలుపుచూ వెలుగుతోనిండిన స్తంభమును సృష్టించి ఆవెలుగుతో ప్రయాణించి ఆస్తంభము ఆది మరియు అంతము ఎచ్చటనో కనుగొనమనెను. అప్పుడు బ్రహ్మ ఆవెలుగుతో క్రిందకి విష్ణువు పైకి ప్రయాణించుటకు నిర్ణయించుకొనినారు. బ్రహ్మ తాను ఆవెలుగు చివరిభాగమును కనుగొనినాను ఆనిచెప్పగా అందుకు మొగలిపూవు సాక్షము ఇచ్చినది. విష్ణువు తాను కనుగొనలేకపోయినాను అని ఆ స్తంభము ఈశ్వరుని ప్రతిరూపము కావున ఆధ్యంతములులేనిదని తెలియ చేసినాడు. శివుడు ఆస్తంభముస్థానే ప్రత్యక్షమై  మాహావిష్ణువు వాస్తవము తెలిపినాడు అందువలన పూజార్హత కలిగించుచున్నట్లు తెలుపుచూ కనుగొనినానుఅని అసత్యము తెలిపినందుకు పూజింపబడు అర్హత లేకుండాబ్రహ్మకు అసత్యము నందు సహకరించినందుకు తనపూజనందు స్థానము లేకుండా మొగలిపూవును శాసించుచూ బ్రహ్మకు సృష్టి చేయు అధికారము మాత్రమే అనుగ్రహించినాడు. జ్యోతిర్లింగము వాస్తవ రూపములో అంతము లేనిది మరియు శివుడు కొద్దిభాగము లింగరూపములో కనపడువాడు. శివక్షేత్రములు 64 అయిననూ అందు 12 శైవక్షేత్రములు ద్వాదశజ్యోతిర్లింగములుగా ప్రసిద్ధి చెందినవి. ద్వాదశజ్యోతిర్లింగ పుణ్యక్షేత్రములు ఆవిధముగా మండుతున్న వెలుగువలెనే శివుడు కనిపించుప్రదేశములు. జ్యోతిర్లింగములు ప్రారంభమునందు అధ్యంతములులేని ఒక స్తంభ ఆకృతిపోలిన శివలింగములు. ఈ క్షేత్రము లన్నిటిలోనూ లింగాకారములోనే శివుడు దర్శనముఇచ్చును. కేదార్నాధ్ తప్ప పరమ శివునికి సంబంధించిన ద్వాదశజ్యోతిర్లింగక్షేత్రములు అన్నిటిలోనూ లింగాకారములోనే శివుడు దర్శనము ఇచ్చును. ప్రతిజ్యోతిర్లింగము అచటకల ముఖ్య దేవతామూర్తి పేరుతో వివిధ రూపములతో ఖ్యాతి నార్జించినది.

రామేశ్వరజ్యోతిర్లింగం భారతదేశంలోకల 12 జ్యోతిర్లింగములలో రామేశ్వరంలో శ్రీరామ ప్రతిష్టితమై రామునిచే అర్చించబడిన ఏడవజ్యోతిర్లింగం.  రామనాధస్వామి ఆలయం 12 వశతాబ్దములో విస్తరించబడినది. రామాయణమునందు రాముడు శివుని తన కష్టములనుండి విముక్తికోరుచూ అర్చించుటకుగాను పెద్దలింగము కావలెనని హిమాలయములనుండి తెచ్చుటకు  హనుమంతునిఆదేశించగా హనుమంతుడు ఆలశ్యముచేసినాడు. అప్పుడు సీత సముద్రతీరములోకల ఇసుకతో ఒక చిన్న లింగముచేసినది. అదియే ప్రస్తుతము గర్భాలయమునందున్న శివలింగమని భావించ బడుచున్నది. ఈ ఆలయమునందు ఆది శంకరాచార్యులుచే స్థాపించబడిన స్పటిక లింగము కలదు. ప్రాతః కాలమున ప్రతి రోజు ఈ స్పటిక లింగమునకు ప్రధాన లింగమునకు అర్చన  చేయుటకు ముందుగా అభిషేకము నిర్వహించేదరు.  దక్షణ భారత దేశమునందు శివలింగములు తయారుచేయుటలో ఈ స్పటికమును వాడెదరువాdeడేదరు. ఇది వేడిని హరించును. అందువలనే శరీరములోని వేడిని తగ్గించుటకు ప్రజలు స్పటిక మాలను ధరింతురు. మేష రాశికి చెందిన స్త్రీ పురుషులు ఈ రామనాధ జ్యోతిర్లింగముల దర్శించి అర్చించిన దోషములు తొలగునని చెప్పబడినది. మేష రాశికి చెందిన స్త్రీ పురుషులు ఈ రామనాధ జ్యోతిర్లింగముల  దర్శించి అర్చించిన దోషములు తొలగునని చెప్పబడినది  శృంగేరిమఠమునుండి దీక్షతీసుకొనిన మరాటాబ్రాహ్మణులు ఇచట ఆలయపూజారులు.

ఇవి కాక కోదండరామస్వామి ఆలయం, లక్ష్మణతీర్ధం (ఉదయం 6-00 నుండి 12-00 వరకు సాయంత్రం 4-00 నుండి 8-00 వరకు తీసి ఉంటుంది), అగ్నితీర్ధం, సుగ్రీవుడు శ్రీరాముని కలుసుకొన్న గంధమాధవ పర్వతం, సుగ్రీవుని ఆలయం, భద్రకాళి ఆలయం, రామతీర్ధం ముఖ్యమైనవి.

శ్రీలంకకు వాయువ్యతీరమునందు కల మన్నార్ ద్వీపమునకు రామేశ్వరం పంబన్ ద్వీపమునకు మధ్యలో రామసేతు ఒక ఛైనుమాదిరిగా ఉండును. ఇచటపూర్వము భారతదేశము శ్రీలంకలమధ్య బ్రిడ్జి ఉండేదిది అనుటకు ఇది ఒకఆధారము.  ఈ బ్రిడ్జి 48 కి.మీ. పొడవుకలిగి మధ్యలో అక్కడక్కడ సముద్రము 1 మీటరు (3 అడుగులు) లోతుకలిగి యుండును. ఇచటఇంకనూ సదరుబ్రిడ్జినిర్మాణమునకు ఉపయోగించిన సున్నపురాయి రాళ్ళుకలవు. యాత్రికులు వయోభేధము లేకుండా రామేశ్వరమునందు ఆనందము పొందవచ్చును.