పంచారామ క్షేత్రములు

మనదేశం హిందూ సాంప్రదాయానికి పవిత్రమైన పుణ్యక్షేత్రాలకు ప్రసిద్ధి. మహిమాన్విత ఆలయాలు అనేకం ఉన్నాయి. ఆలయాలు మూడు విధములుగా విభజింపబడినవి. దేవతలచేనిర్మించబడిన స్వయంభూః ఆలయములు, ఋషులచే ప్రధాన ఆరాధ్యదైవము ప్రతిష్టించబడి నిర్మించబడిన ఆలయములు, మానవప్రతిష్ట అనగా రాజుల మరియు ఇతరులవలన ఆరాధ్యదైవము ప్రతిష్టించబడి నిర్మించబడిన ఆలయములు. ఇందు ఋషిప్రతిష్ట, మానవప్రతిష్ట ఆలయములకంటే దైవ నిర్మితమైన స్వయంభూః ఆలయములు కేవలము ఒకేరాత్రిలో నిర్మించబడినట్లు ప్రజలనమ్మకము. అట్లుదేవతలచే నిర్మించబడిన ఆలయములు ఆంధ్రప్రదేశ్ రాష్ట్రములో నెలకొని ఉన్న అమరారామ, సోమారామ, క్షీరారామ, ద్రాక్షారామ, కుమారరామ అనుపేర్లతో పంచారామదివ్య క్షేత్రములుగా ప్రసిద్ధిచెందినవి. గుంటూరుజిల్లా అమరావతినందు అమరేశ్వరుడు, పశ్చిమగోదావరిజిల్లా భీమవరంనందు సోమేశ్వరుడు, పాలకొల్లునందు క్షీరారామేశ్వరుడు, తూర్పుగోదావరిజిల్లా ద్రాక్షారామనందు భీమేశ్వరుడు, సామర్లకోటనందు కుమారరామేశ్వర నామధేయములతో స్వామి భక్తులను అనుగ్రహించు చున్నారు. ఈఅయిదు పుణ్యప్రదేశములు ఆంధ్రప్రదేశ్రా ష్ట్రములో నెలకొని ఉండుట విశేషము. 

ఈఅయిదు క్షేత్రములు ఒకెరోజున దర్శించెదమన్న రైలు నందు విజయవాడ కానీ గుంటూరు కానీ చేరుకొని ఆచటినుండి ప్రయివేటు వాహనమునందు అమరావతినందు అమరేశ్వర దర్శనముతో ప్రారంభించి భీమవరమునందు సోమేశ్వరుని, పాలకొల్లునందు క్షీరారామేశ్వరుని, ద్రాక్షారామనందున్న భీమేశ్వరుని చివరిగా సామర్లకోటనందున్న కుమారరామేశ్వరుని దర్శించి సామర్లకోటనందు రైలు ఎక్కవచ్చును లేదా సామర్లకోట రైలునందు చేరి ఆచటినుండి ప్రయివేటు వాహనమునందు సామర్లకోట కుమారరామేశ్వరుని, ద్రాక్షారామ భీమేశ్వరుని, పాలకొల్లు క్షీరారామేశ్వరుని, భీమవరం సోమేశ్వరుని పిమ్మట అమరావతినందు అమరేశ్వరుని దర్శించుకొని విజయవాడ, గుంటూరు వాహనము మాట్లాడుకొని అక్కడే రైలు ఎక్కవచ్చును. భరింపరాని భాధలలో ఉన్నవారు పంచారామదర్శనముతోవారుచేసిన పాపములు నశించి కాశీక్షేత్ర దర్శనఫలము కలుగుననినానుడి.  

బ్రహ్మ గురించి తపస్సు చేయగా బ్రహ్మ దర్శనము ఇచ్చి వరము కోరుకొమ్మని చెప్పినాడు. వజ్రాంగుడు బ్రహ్మను స్తుతించి తనకు అమిత బలసంపన్నుడు మరియు తపోనిధి అయిన కుమారుడు కావలెను అని కోరినాడు. బ్రహ్మ మనస్సులో శివుని ధ్యానించి వజ్రాంగుని కోరిక తీరునట్లు ఆశీర్వదించినాడు. బ్రహ్మ వరప్రభావమువలన వజ్రాంగికి తాతకశ్యపునిచే పేరు పెట్టబడిన తారకాసురుడు అనుకుమారుడు జన్మించినాడు. తారకాసురుని జననముతో ప్రజలు భవిష్యత్తులో పెద్ద ఉపధ్రవము సంభవించునను భయముకలుగునట్లు అనేక ఆశుభ శకునములు కనపడినవి. ఆబాలుడు ఒకపర్వతమువలే పెరిగి మహాబలవంతుడు అయినాడు.